E1M1 27 05 2020

නැගෙනහිර පළාතේ  ආයුර්වේද මහ රෝහල් වල කොවිඩ් රෝගීන්ට දේශීය වෙදකම හරහා ප්‍රතිකාර කිරිම වහාම  ආරම්භ කරන්නැයි පළාත් ගරු ආණ්ඩුකාර අනුරාධා යහම්පත් මහත්මිය අද(10) පෙරවරුවේ නියෝග කළාය.

ඒ අනුව, නැගෙනහිර පළාතේ කප්පල්තුරේ, කින්නියා, පුදුකුඩුඉරිප්පු සහ අඩ්ඩාලච්චේන යන ආයුර්වේද මහ රෝහල් වල මෙම ප්‍රතිකාර ලබාදීම ආරම්භ කිරීමට නියමිතය.

ත්‍රිකුණාමලයේ පිහිටි ගරු ආණ්ඩුකාර ලේකම් කාර්යාලයේදි පළාත් ආයුර්වේද කොමසාරිස් වෛද්‍ය ආර්.ශ්‍රීධර් මහත්මිය සහ ආණ්ඩුකාරවරිය අතර අද (10) පෙරවරුවේ පැවති විශේෂ හමුවකදී මෙම තීරණයට එළඹිණි.

විඩ් රෝගින්ට ප්‍රතිකාර කරන එම ආයුර්වේද මහ රෝහල් වල දැනට ඇති අඩුපාඩු සොයා බලා එම අඩුපාඩු කඩිනමින් සපුරා දීමට අවශ්‍ය පියවර ගන්නා ලෙසද ආණ්ඩුකාරවරිය අදාළ බලධාරීන්ට උපදෙස් දුන්නාය.

ඒ අනුව එම රෝහල් වල කොවිඩ් රෝගීන් 270 කට ප්‍රතිකාර ලබා දීම සදහා අවශ්‍ය පහසුකම් ඇත.

ඉහත ප්‍රවෘත්තිය ඔබ මාධ්‍ය ආයතනයේ පළ කර දෙන මෙන් ඉල්ලමි.

 

 

 

 

 

© Provincial Planning Secretariat - EPC