නැගෙනහිර පළාතේ දැනට ක්‍රියාත්මක වන සියළු පාලම්පාරු වල ගුණාත්මකභාවය පරීක්ෂා කිරීම සඳහා විශේෂ කණ්ඩායමක් පිටත් කර යවන බව නැගෙනහිර පළාත් ගරු ආණ්ඩුකාර අනුරාධා යහම්පත් මහත්මිය පැවසුවාය.

එම කණ්ඩායමට පොලිසිය, පළාත් මාර්ග සංවර්ධන අධිකාරියේ ඉංජිනේරු අංශය සහ නාවික හමුදා කණ්ඩායමක් පත් කරන බව ද ගරු ආණ්ඩුකාරවරිය කීවාය. 

නැගෙනහිර පළාත් සමුපකාර සේවා කොමිෂන් සභාවේ නව සභාපතිවරයා ලෙස අසංක අබේවර්ධන මහතා පත්කර තිබේ.

පරිපාලන සේවයේ ජේෂ්ඨ විශ්‍රාමික නිලධාරියෙකු වන අබේවර්ධන මහතා කලක් ආණ්ඩුකාර ලේකම්වරයෙකු මෙන්ම ත්‍රිකුණාමලය දිස්ත්‍රික් ලේකම්වරයා ලෙසද කටයුතු කර ඇත.

පෞද්ගලික හිත් අමනාපකම් නිසා පළාත් පාලන අයවැය පරාජය කර සංවර්ධන කටයුතු අඩාල නොකරන්නැයි නැගෙනහිර පළාත් ගරු ආණ්ඩුකාර අනුරාධා යහම්පත් මහත්මිය ත්‍රිකුණාමලය දිස්ත්‍රික් පළාත් පාලන මන්ත්‍රීවරුන් හමුවේ අවධාරණය කළාය.සභාපතිවරයා හෝ නගරාධිපතිවරයා පිළිබඳව යම් ගැටළුවක් ඇත්නම් එය විසඳා ගැනීමට අයවැය ලේඛනය භාවිතා නොකරන ලෙසද ගරු ආණ්ඩුකාරවරිය ඉල්ලා සිටියාය.

අනාගතයේ උපදින දරුවන් වෙනුවෙන් සිදුවන සංවර්ධනයට යොදවන මුදල් අවභාවිතා කළහොත් ඊළග ආත්මයේ ඉපදෙන්නේ කුම්භාණ්ඩයන් වී බව නැගෙනහිර පළාත් ගරු ආණ්ඩුකාර අනුරාධා යහම්පත් මහත්මිය අවධාරණය කළාය.